Ore

Deskbar:		Preferences
Posizion:		/boot/system/preferences/Time
Impostazions:		~/config/settings/networktime settings - Dutis lis impostazions che a rivuardin la sincronizazion de ore vie rêt ~/config/settings/RTC_time_settings - La impostazion dal orloi hardware (locâl o GMT) ~/config/settings/Time settings - La configurazion dal fûs orari ~/config/settings/Time_preflet_window - La posizion dal barcon dal panel e vie indenant.

Il panel des preferencis de Ore si divît in cuatri schedis:

Date e ore

De bande di çampe, tu puedis stabilî il dì dal mês fasint un sempliç clic tal calendari. Tu puedis cambiâ il mês e l'an fasint clic su di chei e doprant lis frecis sù/jù che a son a diestre opûr lis frecis de tastiere.

Compagn a diestre, tu stabilissis la ore. Opûr spostant a man lis speris dal orloi.

Fûs orari

Al baste cjatâ e sielzi il to paîs inte liste dai continents e fracâ Stabilìs fûs orari. Pai paîs cun plui di un fûs orari tu varâs di pandi la liste ancjemò di un nivel.
A diestre tu cjatarâs la ore dal fûs orari atuâl e la anteprime di chel che tu âs sielt.

In plui de bande di diestre e je une impostazion pal orloi hardware dal to computer. Si à dôs modalitâts pal orloi:

Ore locâl		par visualizâ la tô ore locâl, che di norme tu vuelis se tu âs l'inviament dopli (dual-boot) ancje par Windows.
GMT		Par visualizâ il timp median di Greenwich (Greenwich Mean Time), che e je la impostazion compatibil cun UNIX.

Ore di rêt

Stabilî la date e la ore a man e je une operazion une vore sorpassade se si è tacâts a internet. A esisitin servidôrs publics che a dan il segnâl orari plui precîs.

Cui botons +/- tu puedis zontâ/gjavâ i servidôrs NTP ae/de liste.

Lis caselis di selezion sot a disin al sisteme: “Prove ducj i servidôrs”, vâl a dî sincronize no dome cun chel cumò selezionât, e “Sincronize al inviament”, vâl a dî che tu puedis stâ sigûr che l'orloi al mostrarà simpri la ore juste.

Tu puedis fâ Ristabilìs ae liste di servidôrs predefinide se par erôr tu âs eliminât un servidôr NTP che al funzionave e fâ Sincronize par sincronizâ a man il to orloi. Si pues rivâ a sincronizâ ancje de rie di comant (o cuntun script):

Time --update

Orloi

La ultime schede e mostre lis opzions dal orloi mostrât intal Deskbar. Lì tu puedis disabilitâ dal dut l'orloi cu la casele di selezion plui in alt. Chês che a restin si spieghin di bessolis.

In ogni schede al è un boton Torne indaûr che al puarte indaûr aes impostazions che a jerin ativis cuant che si à inviât lis preferncis de Ore.