DeskCalc

Deskbar:		Applications
Posizion:		/boot/system/apps/DeskCalc
Impostazions:		~/config/settings/DeskCalc_settings

DeskCalc e je une semplice calcoladorie che dut câs e à cualchi funzionalitât ninine che in prime batude no si viôt.

• DeskCalc al capìs plui di ce che la sô botonere e sugjerìs.
  In diplui ai operadôrs , -, *, /, %, ^ e lis costantis pi e e, chestis funzions matematichis a son supuartadis:
  !, acos, asin, atan, atan2, ∛, tar(ceil), cos, cosh, ^(exp), star.(floor), log, log10, pow, sin, sinh, √, tan, tanh.

• Il clic diestri al ufrìs chestis opzions:

  Ative BlocNum al inviament			Al ative in automatic il bloc dai numars de tastiere cuant che si invie DeskCalc.
  Radiants/Grâts			Passe tra "rad" e "deg" come unitât pes misuris angolârs.
  Compate	ALT 0		Une modalitât di visualizazion minimâl che e plate la botonere.
  Normâl	ALT 1		L'aspiet standard di DeskCalc.
  Sientifiche	ALT 2		Mostre botons adizionâi par calcui avanzâts.

• Cuant che si cjacare di input utent, DeskCalc al è vonde tolerant:
  /, :, \ a son ducj interpretâts come operadôrs di division,
  *, x a son simbui valits pe moltiplicazion.
  Sta ancje antent che . e , a son ducj i doi considerâts virgulis, che al significhe che no tu âs di doprâju come separadôr pai miârs.

• Tu puedis cambiâ dimension de calcoladorie tant che tu vûs e dopo metilu come Replicant sul Scritori cul "strissine e mole" dal simbul intal angul in bas a diestre. Controle di vê ativât Mostre replicants tal Deskbar.

• Ancje la botonere e pues jessi colorade cul "strissine e mole" di cualsisei colôr, p.e. di Icon-O-Matic.

• Tu puedis spostâ sù o jù intune cronologjie dai calcui passâts cun ↑ e ↓.

• Tu puedis selezionâ i contignûts di DeskCalc e strissinâju e molâju in cualsisei aplicazion. O tu ju molis intun baracon dal Tracker o sul Scritori e un file di test cun chel ritai al ven creât alì.

  Ancjemò miôr, si pues fâ il contrari:
  Creâ un ritai di test come descrit tai varis passaçs dal to calcul e daspò strissinâju in DeskCalc.
  O tu strissinis fûr di une e-mail un calcul e tu lu molis su DeskCalc.

• DeskCalc al pues jessi doprât tal Terminâl. Al baste meti la espression tra doplis virgulutis, come in chest esmpli:

  ~> DeskCalc "sin(45)*(cos(12)+3.45)"
  3.65365546732025461817951947270058

  Fâs câs: doprât tal Terminâl, DeskCalc al doprarà simpri i radiants come unitât pes funzions trigonometrichis.