LaunchBox

Deskbar:		Desktop Applets
Posizion:		/boot/system/apps/LaunchBox
Impostazions:		~/config/settings/LaunchBox/*

Al è pussibil inviâ une o plui applet di LaunchBox par organizâ lis scurtis aes tôs aplicazion prefereidis o ai tiei documents. Tu decidis tu par ognune di lôr se e àn di sei viodudis su ducj i spazis di lavôr o dome su chel atuâl. A puedin ancje servî par vierzi daurman un document intune aplicazion specifiche. Par esempli, tu puedis strissinâ e molâ un file HTML suntun editôr di test metût dentri di un LaunchBox, par vierzilu ta chel editôr invezit che la sô aplicazion preferide, il navigadôr.

Dal menù contestuâl si rive a dutis lis opzions:

Zonte boton achì		Al zonte un boton vueit.
Nete boton		Al disvuede un boton.
Gjave boton		Al gjave un boton.
Stabilìs descrizion...		Passant parsore di une icone cul mouse al ven mostrât un fumet cul jenfri il non dal file e, tal câs di une aplicazion, une sô curte descrizion se e je divierse dal so non (viôt l'argoment Gjenars di file). Cun cheste vôs dal menù tu puedis personalizâ la descrizion par chest fumet.
Impostazions - Disposizion orizontâl - Dimension icone - Ignore dopli-clic - Mostre l'ôr dal barcon - Auto-invie - Tire sù in automatic - Mostre su ducj i spazis di lavôr		Al met in rie i botons in orizontâl. Al stabilìs la dimension de icone tra 16 e 64 pixel. Al invie l'ogjet dome une volte, ancje cuant che tu fasis (per erôr) dopli-clic. Al mostre l'ôr dal bacon. Al fâs partî LaunchBox in automatic cuant che il computer si invie. LaunchBox si alce se il mouse al è dongje dal ôr dal schermi. Al mostre LaunchBox su ducj i spazis di lavôr.
Pad - Gnûf - Clone - Siere		Zonte un gnûf pad. Dupliche il pad atuâl. Siere il pad atuâl.
LaunchBox - Jes		Al jes cunducj i pad di LaunchBox.