Components adizionâi di Tracker

Lis aplicazions a puedin instalâ components adizionâi, cussì che a puedin vignî invocadis cun facilitât suntune selezion di files dal Tracker. Dal menù contestuâl Components adizionâi, o dal menù File di un barcon Tracker, a vegnin presentâts dome i components adizionâi che a puedin gjestî un specific gjenar di file. Cualchi component adizionâl nol à bisugne di un file par funzionâ e duncje al sarà simpri presint.

Al è pussibil instalâ i gnûfs components adizionâi di Tracker, che no fasin part di un regolâr pachet .hpkg, copiantju te lôr rispetîve cartele non-packaged (viôt l'argoment Disposizion dal filesystem):

/boot/system/non-packaged/add-ons/Tracker/		par components adizionâi disponibii a ducj i utents.
/boot/home/config/non-packaged/add-ons/Tracker/		par components adizionâi disponibii dome a te stes.

Il non dal vile di un component adizionâl al pues vê un sufìs cuntun tratut e une letare maiuscule, cussì al sarà disponibil midiant une scurte di tastiere. Par esempli, Vierç cartele di destinazion-V si vierç cun ALT OPZ O.
Logjic che cuant che tu decidis une scurte tu âs di tignî di cont i pussibii conflits cun altris scurtis. No tu puedis vê la stesse scurte par diviers components adizionâi.

Components adizionâi dal Tracker di Haiku

Chescj components adizionâi di Tracker a rivin cun ogni instalazion di Haiku:

Fonts-B	Al vierç lis preferencis pal Fonts par cambiâ il colôr o la imagjin dal Scritori o di cualsisei cartele. Clamât suntun file di imagjin il panel Fonts al ven inviât cun chê imagjin za cjamade tant che potenziâl fonts.
DiskUsage-I	Al invie la aplicazion DiskUsage cu la relative cartele tant che base di partence.
FileType-F	Invocât suntun file, al vierç il so specific panel Gjenar di file, in câs contrari a vegnin inviadis lis preferencis dai Gjenars di file.
Open Target Folder-O	Si pues doprâ dome suntun file di colegament e al vierç la cartele dulà che al sta il file.
Ricercje test-G	Al fâs partî la aplicazion TextSearch par cirî une stringhe te cartele selezionade (e lis sôs sot-cartelis).
ZipOMatic-Z	Une selezion di files e vignarà zontade a un file zip, invocât cence une selezion al vierç un panel par creâ un archivi midiant la funzion strissine-e-mole cul mouse.