TextSearch

Deskbar:		Nissune vôs, di solit inviât vie component adizionâl di Tracker
Posizion:		/boot/system/apps/TextSearch
Impostazions:		~/config/settings/TextSearch

TextSearch al cîr une stringhe tai file di test. Di solit al ven invocât dal menù contestuâl dai components adizionâi di Tracker su la selezion dai file o des cartelis dulà che tu desideris cirî.

Tu inserissis une stringhe di ricercje inte casele di test parsore e tu frachis INVIE o tu fasis clic su Cîr par scomençâ. Se Mostre riis al è segnât, i risultâts a vegnin slargjâts in automatic par mostrâ lis riis dal file che a contegnin la stringhe di ricercje.

Dome cualchi peraule su cualchi element dal menù che se no si spieghe di bessôl:

Menù File
Gnûf barcon		ALT N		Al vierç un gnûf barcon dulà che tu puedis cirî intal stes file/cartele une altre stringhe.
Stabilìs destinazion...		ALT F		Ti permet di sielzi un gnûf grup di file e cartelis dulà lâ a cirî. In alternative tu puedis strissinâ e molâ i file/cartelis intal barcon.
Menù Azions
Ridûs ae selezion		ALT T		Al gjave de liste dutis lis vôs che no son in chel moment selezionadis.
Vierç selezion		ALT O		Al vierç i file che in chel moment a son selezionâts, cu la lôr aplicazion preferide (tant che un dopli-clic). Se si trate di un editôr di test che lu supuarte (come Pe), tu puedis saltâ daurman ae rie esate dulà che e je stade cjatade la stringhe di ricercje.
Mostre i file tal Tracker		ALT K		Al vierç in Tracker la posizion dai file che in chel moment a son selezionâts.
Copie il test tes notis		ALT B		Al copie la selezione atuâl intes notis.
Menù Impostazions
Salte lis cartelis che a tachin cuntun pont				Chest al è util cuant che si lavore intun ambient dal gjenar "unix", dulà che dispès i file di aministrazion a vegnin platâts dentri di ".cartelis/". I sistemis pe gjestion des varis versions dai sorzints, come SVN e CVS, a son esemplis di aplicazions che ju doprin e chescj programs a vegnin doprâts une vore in Haiku.
Espression regolâr				TextSearch al dopre il strument a rie di comant grep. Par lui, i caratars speciâi come '"*\$?! e i spazis a scugnin jessi interpretâts cul caratar “escape” \. Ativâ cheste impostazion al significhe che tu scugnis fâlu di bessôl, ma di cuintri ti garantìs lis potenzialitâts des espressions regolârs.
Dome file di test				TextSearch cumò al è util dome par cirî stringhis tai file di test sempliçs. Se si disative che impostazion al cirarà dut câs su ogni gjenar di file.
Vierç i file tal editôr di codiç				Al sfuarce la vierzidure dai file intal editôr di codiç preferît (che al gjestìs text/x-source-code). In câs contrari un file al vignarà viert in cualsisei aplicazion stabilide pal so gjenar di file. Util, par esempli, cuant che si modifiche i file HTML che di solit a vegnin vierts cul navigadôr.
Menù Cronologjie
				Al conten lis stringhis cirudis di resint.
Menù Codifiche
				Ti permet di sielzi codifichis di caratar diviersis se a coventin.