MidiPlayer
| Deskbar: | ||
| Posizion: | /boot/system/apps/MidiPlayer | |
| Impostazions: | ~/config/settings/MidiPlayerSettings |
Come che al sugjerìs il non, MidiPlayer al è doprât par scoltâ i file musicâi MIDI. I file MIDI a son speciâi, viodût che no contegnin la musiche digjitalizade e in cualchi mût codificade, ma dome une descrizion di chê: Ten cheste note par chel timp cun chest volum e par je dopre il strument X.
Chest al ten la dimension dal file une vore contignude, ma al compuarte ancje che in base ae librarie dai struments doprâts (i cussì clamâts "SoundFont") i risultâts a puedin cambiâ di tant. In di plui, chescj SoundFonts a tindin a jessi vonde larcs, e a aumentin in base al numar e ae cualitât dai campions dai struments.
Lis publicazions di Haiku a includin un SoundFont piçul ma vonde di cualitât. La int che e dopre i MIDI in maniere serie di solit e à za SoundFont personalizâts e di cualitât une vore elevade.
Par doprâ altris SoundFont (che no si puedin instalâ cun HaikuDepot o come HPKG), al baste copiâ il file .sf su p.e. ~/config/non-packaged/data/synth/. Tu puedis selezionâ il SoundFont atîf intes preferencis di Multimedia sot .
La interface di MidiPlayer e je une vore semplice. al baste fâ dopli clic o strissinâ e molâ un file midi e la riproduzion e tache. Tu controlis il volum cul cursôr e zontâ efiets di rivoc dal menù a tende . Ativant l'ossiloscopi al mostrarà une grafiche in forme di ossiloscopi te bande superiôr.