Spazis di lavôr

Tu cjatis la applet Spazis di lavôr cu lis altris Desktop applets intal Deskbar. E mostre un version in miniature di ducj i spazis di lavôr. Dal barcon de applet si à tantis opzions disponibilis, che si spieghin dutis di bessolis.
Cambie il numar dai spazis di lavôr... al vierzarà lis preferencis dal Schermi dulà che tu stabilirâs il numar di spazis di lavôr e la lôr disposizion (tropis riis e colonis).

Viodût che la applet e je un Replicant, tu puedis ridimensionâ il barcon tant che tu desideris e dopo strissinâle e molâle cu la sô mantie sul scritori (siguriti che Mostre replicants al sedi atîf intal menù dal Deskbar). Ten fracât MAIUSC intant che tu ridimensionis par mantignî lis proporzions dal visôr.

Spostâ i barcons tra i spazis di lavôr

Par spostâ un barcon, tu lu cjapis te applet dai Spaazis di lavôr e tu lu strissinis intun altri spazi di lavôr. Chest al à il vantaç di permetiti di spostâlu cence lassâ il to scritori attuâl. Si sa po, chest al lavore ben dome se no si à masse barcons tal spazi di lavôr e se la destinazion no je oscurade di altris barcons. Une altre pussibilitât e je chê di cjapâ un barcon pe sô schede e tignîle intant che si cambie spazi di lavôr cun ALT Fx.

Par vê plui informazions sui spazis di lavôr in gjenerâl e su plui scurtis di tastiere, viôt l'argoment Spazis di lavôr.

Funzionalitâts speciâls

La applet Spazis di lavôr e da cualchi funzionalitât adizionâl cuant che si fâs clic suntun barcon intant che si ten fracât cierts tascj modificadôrs: