Il Twitcher

Il Twitcher al è un seletôr di ativitâts par passâ di une aplicazion a chês altris e tra i lôr barcons.

Ten fracât CTRL e da un colp su TAB par passâ tra il barcon/aplicazion atuâl e chel precedent. Batuçant TAB mût rapit tu passarâs tra dutis lis aplicazions visibilis sul spazi di lavôr atuâl.
Frache e ten fracât CTRL TAB par vierzi il barcon di Twitcher e cussì passâ tra dutis lis aplicazions in esecuzion fracant a ripetizion TAB o ←/→.
Se ti covente passâ a un specific barcon di un program, spostiti te sô icone, come che o vin dite, e daspò passe tra i siei barcons vierts cui tascj ↑/↓.

Tu puedis passâ a rotazion su ducj i barcons visibii di une aplicazion (sul spazi di lavôr atuâl) cun CTRL ~ (che, in base ae mape di tastiere doprade, al è il tast che al sta sot di ESC, in chê furlane il tast al è \).

Si pues ancje clamâ il Twitcher cun CTRL TAB e dopo doprâ il mouse par sielzi la aplicazion/barcon, si saltarà a chê/chel cuant che si molarà il tast CTRL.

Il Twitcher al ufrìs ancje cualchi scurte di tastiere avanzade in plui:

ESC		Al interomp il passaç e al torne al barcon che al jere atîf in precedence.
Q		Al siere la aplicazion selezionade.
H		Al plate ducj i barcons de aplicazion selezionade.